ایران کے سپریم لیڈر خامنائی کی موت پر صدر ڈونلڈ ٹرمپ کا بیان

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ ایران کے سپریم لیڈر خامنائی کی موت پر صدر ڈونلڈ ٹرمپ کا بیان امریکی محکمہ خارجہ ترجمان کا دفتر 28 فروری، 2026 خامنائی تاریخ کے بدترین لوگوں میں سے ایک تھا جو ہلاک ہو چکا ہے۔ یہ نہ صرف ایران کے لوگوں بلکہ امریکہ کے عظیم عوام اور دنیا کے بہت سے ممالک کے ان لوگوں کے لیے بھی انصاف ہے جو خامنائی اور اس کے خونخوار غنڈوں کے ہاتھوں قتل یا زخمی ہوئے۔ وہ اسرائیل کے ساتھ کام کرتے ہمارے انٹیلیجنس اور کھوج لگانے کے انتہائی جدید نظام سے بچ نہیں سکا اور وہ یا اس کے ساتھ مارے جانے والے دیگر لوگ کچھ نہیں کر سکے۔ یہ ایران کے لوگوں کے لیے اپنے ملک کو واپس لینے کا سب سے بڑا موقع ہے۔ ہم سن رہے ہیں کہ ان کے پاسداران انقلاب کے بہت سے اہلکار، فوج اور دیگر سکیورٹی اور پولیس فورسز اب لڑنا نہیں چاہتے اور ہم سے معافی کے طلب گار ہیں۔ جیسا کہ میں نے گزشتہ رات کہا، اب انہیں معافی مل سکتی ہے، بعد میں انہیں صرف موت ملے گی۔ امید ہے کہ پاسداران انقلاب اور پولیس پرامن طور سے ایران کے محب وطن لوگوں کے ساتھ مل کر متحدہ انداز میں کام کرتے ہوئے اپنے ملک کو اس عظمت کی جانب واپس لائیں گےجس کا یہ حق دار ہے۔ یہ عمل جلد شروع ہونا چاہیے، کیونکہ نہ صرف خامنائی کی موت ہوئی ہے بلکہ ایک ہی دن میں پورا ملک بہت زیادہ تباہ اور تقریباً نیست و نابود ہو چکا ہے۔ بھاری اور درست نشانوں پر بمباری بلا رکاوٹ اس ہفتے تک یا جب تک ضروری ہو جاری رہے گی تاکہ ہم مشرق وسطیٰ اور واقعتاً پوری دنیا میں امن قائم کرنے کا اپنا مقصد حاصل کر سکیں۔ اس معاملے پر توجہ دینے کا شکریہ۔ صدر ڈونلڈ جے ٹرمپ اصل عبارت پڑھنے کا لنک: https://truthsocial.com/@realDonaldTrump/posts/116150413051904167 یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520