ایران کے جرات مند لوگوں کی مدد کے لیے امریکہ کی پابندیاں

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ ایران کے جرات مند لوگوں کی مدد کے لیے امریکہ کی پابندیاں ایران کے جرات مند لوگوں کی مدد کے لیے امریکہ کی پابندیاں نائب ترجمان ٹومی پیجیٹ کا بیان امریکی محکمہ خارجہ ترجمان کا دفتر 15 جنوری، 2026 ایران کے بہادر عوام اپنے بنیادی حقوق کے لیے جدوجہد کر رہے ہیں جس کے جواب میں ایرانی حکومت نے اپنے ہی شہریوں کے خلاف تشدد اور ظالمانہ جبر کا راستہ اختیار کیا ہے۔ ان حالات کو دیکھتے ہوئے امریکہ بدنام زمانہ فاردیس جیل کو پابندیوں کے لیے نامزد کر رہا ہے۔ یہ وہ ادارہ ہے جہاں خواتین نے ظالمانہ، غیر انسانی اور توہین آمیز سلوک جھیلا ہے۔ اسی دوران، امریکی محکمہ خزانہ ایران کے متعدد سکیورٹی حکام پر پابندیاں نافذ کر رہا ہے جن میں سپریم کونسل برائے قومی سلامتی (ایس سی این ایس) کے سیکرٹری علی لاریجانی بھی شامل ہیں۔ علاوہ ازیں، محکمہ خزانہ ایران کے شیڈو بینکنگ نیٹ ورکس سے وابستہ 18 افراد اور اداروں کو بھی پابندیوں کے لیے نامزد کر رہا ہے جنہوں نے ایرانی تیل اور پیٹروکیمیکل مصنوعات کی فروخت سے حاصل ہونے والے کالے دھن کو سفید کیا ہے۔ یہ اقدام قومی سلامتی سے متعلق 2025 کی صدارتی یادداشت-2 کے نفاذ کو بھی آگے بڑھاتا ہے۔ امریکہ ایران کے عوام کے ساتھ کھڑا ہے جو اپنے فطری حقوق کے لیے احتجاج کر رہے ہیں۔ ایرانی حکومت اپنے عوام کی فلاح و بہبود میں سرمایہ کاری کرنے کے بجائے دنیا بھر میں تخریبی اور نقصان دہ سرگرمیوں پر وسائل خرچ کر رہی ہے۔ جب تک یہ حکومت ایرانی عوام پر ظلم جاری رکھے گی اس وقت تک ہم اس کو مالیاتی نیٹ ورکس اور عالمی بینکاری نظام تک رسائی سے محروم رکھیں گے۔ آج کے اقدامات انتظامی حکم (ای۔او) 13553، جو ایران کی حکومت کی جانب سے انسانی حقوق کی سنگین پامالیوں میں ملوث بعض افراد پر پابندیاں عائد کرنے کا اختیار دیتا ہے، ای۔او 13876 جو ایران کے سپریم لیڈر اور ان کے وابستگان پر پابندیاں لگانے کا اختیار فراہم کرتا ہے اور ای۔او 13902 کے تحت اٹھائےجا رہے ہیں جو ایران کے مالیاتی، پٹرولیم اور پیٹروکیمیکل شعبوں کو ہدف بناتا ہے جبکہ یہ اقدامات پابندیوں کے ذریعے امریکہ کے دشمنوں کا مقابلہ کرنے کے قانون کے تحت بھی کیے جا رہے ہیں۔ مزید معلومات کے لیے براہ مہربانی محکمہ خزانہ کی پریس ریلیز کا حوالہ دیں۔ اصل عبارت پڑھنے کا لنک: https://www.state.gov/releases/office-of-the-spokesperson/2026/01/u-s-sanctions-to-support-the-courageous-people-of-iran/ یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520