وزیر خارجہ روبیو کا سعودی عرب اور کینیڈا کا دورہ

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ وزیر خارجہ روبیو کا سعودی عرب اور کینیڈا کا دورہ امریکی محکمہ خارجہ ترجمان کا دفتر برائے فوری اجراء ترجمان دفتر خارجہ ٹیمی بروس کا بیان 9 مارچ، 2025 دفتر خارجہ کی ترجمان ٹیمی بروس کے مطابق: وزیر خارجہ مارکو روبیو 10 تا 12 مارچ سعودی عرب کے شہر جدہ کا دورہ کریں گے جہاں وہ اپنے یوکرینی ہم منصبوں سے ملاقاتوں میں روس۔یوکرین جنگ کو ختم کرانے سے متعلق صدر کے ہدف پر بات چیت کریں گے۔ جدہ میں وہ سعودی عرب کے ولی عہد محمد بن سلمان السعود سے بھی ملاقات کریں گے جس میں خطے میں اپنے مشترکہ مفادات کو فروغ دینے اور امریکہ۔سعودی تعلقات کو مضبوط بنانے پر تبادلہ خیال کیا جائے گا۔ وزیر خارجہ روبیو 12 تا 14 مارچ کینیڈا کے شہر شارلاوائے میں جی 7 وزرائے خارجہ کے اجلاس میں اپنے ہم منصبوں سے ملاقاتیں کریں گے اور اس موقع پر خارجہ پالیسی کے حوالے سے صدر ٹرمپ کے "سب سے پہلے امریکہ" کے ایجنڈے کو آگے بڑھائیں گے۔ ان کی ملاقاتوں سے امن، سلامتی، تزویراتی تعاون اور عالمگیر استحکام کے حوالے سے امریکہ کے مفادات کی تکمیل میں مدد ملے گی۔ اس بات چیت میں مشرق وسطیٰ اور یورپ کے تنازعات، افریقہ اور ہند۔الکاہل میں تعاون اور مغربی کرے میں استحکام پر تبادلہ خیال بھی کیا جائے گا۔ اصل عبارت پڑھنے کا لنک: https://www.state.gov/secretary-rubios-travel-to-saudi-arabia-and-canada/ یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520