سابق صدر جمی کارٹر کا انتقال

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ سابق صدر جمی کارٹر کا انتقال امریکی محکمہ خارجہ ترجمان کا دفتر وزیر خارجہ اینٹنی جے بلنکن کا بیان 29 دسمبر، 2024 جمی کارٹر امریکہ کے صدر، ملک کی بحری فوج کے سابق افسر، نوبیل انعام یافتہ اور امدادی کارکن تھے جنہوں نے اپنی زندگی امن، جمہوریت اور انسانی حقوق کے فروغ کے لیے وقف کیے رکھی۔ صدر کارٹر کئی دہائیوں تک خدمت عامہ میں مصروف رہے۔ وہ دیانت داری و ہمدردی کا مجسم اور آزادی، سلامتی اور دوسروں کی بہبود کے لیے پرعزم تھے۔ وہ یہی جذبہ اپنی خارجہ پالیسی میں بھی لائے جس کا اظہار نہر پانامہ کی اس کے میزبان ملک کو واپسی کے لیے بات چیت اور سوویت یونین کے ساتھ تخفیف اسلحہ کے معاہدوں سے ہوتا ہے۔ انہوں نے سربراہان ریاست سے لے کر عام شہریوں تک اپنے ہر تبادلہ خیال اور گفتگو میں اسی جذبے کو مقدم رکھا۔ وہ جانتے تھے کہ امریکہ کے لوگوں کا مقدر دوسرے ممالک کے لوگوں سے جڑا ہے اور اسی لیے وہ یہ ادراک کرنے والے پہلے لوگوں میں شامل تھے کہ مشترکہ زمین اور عالمگیر صحت عامہ کو تحفظ دینے میں امریکہ کی قومی سلامتی کا بہترین مفاد ہے۔ صدر کارٹر نے اسرائیل اور مصر کے مابین تاریخی معاہدے کے ثالث کا کردارادا کرتے ہوئے یہ بھی ثابت کیا کہ انتھک اور اصولی سفارت کاری کے ذریعے کیا کچھ حاصل کیا جا سکتا ہے۔ اس معاہدے کی بدولت کئی دہائیوں سے باہم برسرپیکار ان دونوں ممالک کے مابین امن کے قیام میں مدد ملی۔ ان کی کوششیں اس بات کی اہم یاد دہانی ہیں کہ خطے میں نئی جنگوں اور تکالیف کو کیسے روکا جا سکتا ہے۔ اپنی صدارت کی مدت ختم ہونے کے بعد بھی انہوں نے گزشتہ سال انتقال کر جانے والی اپنی اہلیہ اور 77 برس کی ساتھی روزالین کی معیت میں ہر انداز میں امن کی جستجو اور انسانی حقوق کے فروغ کا کام جاری رکھا۔ دہائیوں تک انہوں نے ضرورت مند خاندانوں کے لیے گھروں کی تعمیر میں مدد دینے سے لے کر کارٹر سنٹر کے ذریعے بیماریوں پر قابو پانے کی کوششوں، مسلح تنازعات کو حل کرانے، انتخابات کی نگرانی اور جمہوریت کے فروغ تک ایک دوسرے کے شانہ بشانہ کام کیا۔ صاحبِ یقین صدر کارٹر نے ایک مرتبہ کہا تھا کہ 'ہمیں سب سے زیادہ شادمانی اس وقت ملتی ہے جب ہم دوسروں کی زندگیوں میں بہتری لاتے ہیں۔' اس طرح اور دیگر طریقوں سے صدر کارٹر نے ایک شادمان زندگی گزاری۔ اصل عبارت پڑھنے کا لنک: https://www.state.gov/passing-of-former-president-jimmy-carter یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520