امریکہ اور اس کے شراکت دار بدعنوانی اور انسانی حقوق کی خلاف ورزیوں کا ارتکاب کرنے والوں کے احتساب کو فروغ دیتے ہیں

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ برائے فوری اجرا امریکہ اور اس کے شراکت دار بدعنوانی اور انسانی حقوق کی خلاف ورزیوں کا ارتکاب کرنے والوں کے احتساب کو فروغ دیتے ہیں امریکی دفتر خارجہ دفتر برائے ترجمان برائے فوری اجرا 10 دسمبر 2020 وزیر خارجہ مائیکل آر پومپیو کا بیان   کل اور آج امریکہ نے پابندیوں سے متعلق گلوبل میگنٹسکی پروگرام کے تحت دنیا بھر میں بدعنوان کرداروں اور انسانی حقوق کی پامالیوں کا ارتکاب کرنے والوں پر پابندیاں عائد کیں۔ یہ اقدامات دنیا بھر میں ایسے کرداروں کو ہدف بناتے ہیں جو انفرادی انسانی حقوق اور بدعنوانی کی روک تھام اور اس سے نمٹنے کے عالمگیر ضوابط کو نظرانداز کرتے ہیں۔ 9 دسمبر کو انسداد بدعنوانی اور 10 دسمبر کو انسانی حقوق کا عالمی دن مناتے ہوئے امریکہ ان پابندیوں اور ویزا کی پابندیوں سے متعلق دفتر خارجہ کے قانون 7031 (سی) کے ذریعے حاصل اختیارات کو احتساب کے فروغ اور دنیا بھر میں انسانی حقوق کی پامالیوں کو روکنے کے لیے استعمال کر رہا ہے۔ یہ دونوں اقدامات کرغیزستان میں بدعنوان کسٹم حکام سے لے کر ہیٹی میں مسلح جتھوں کے سربراہوں اور چیچنیا میں انسانی حقوق کی خلاف ورزی کرنے والوں سمیت متعدد دیگر برے کرداروں کو ہدف بناتے ہیں۔ ہم برطانیہ میں اپنے شراکت داروں کے ساتھ ہیں جنہوں نے ایسے عناصر کے خلاف اسی جیسے اقدامات اٹھائے جو لوگوں سے ان کے حقوق چھیننا چاہتے ہیں۔ ہم برطانیہ کو عالمگیر انسانی حقوق کی خلاف ورزیوں کے مرتکب کرداروں کے خلا ف آج اٹھائے گئے اس کے اقدامات پر مبارک باد پیش کرتے ہیں۔ مجموعی طور پر گزشتہ 48 گھنٹوں میں امریکہ اور برطانیہ نے بدعنوانی یا انسانی حقوق کی سنگین خلاف ورزیوں میں ملوث 37 افراد کو پابندی کے لیے نامزد کیا ہے۔ ہمارے مشترکہ تصورات کو ان اقدامات کا محرک بننے والے سول سوسائٹی اور صحافیوں کے موثر کام سے روزانہ مدد ملی ہے۔ امریکہ انسانی حقوق کے دفاع، بدعنوانی کا مقابلہ کرنے اور احتساب و اچھی حکمرانی کو فروغ دینے کے لیے اپنے اتحادیوں اور سول سوسائٹی کے ساتھ اپنی شراکتیں جاری رکھنے کا متمنی ہے۔ ہم اس کوشش میں ایک شراکت دار کی حیثیت سے یورپی یونین کا بھی خیرمقدم کرتے ہیں جس نے اس ہفتے عالمگیر انسانی حقوق کے تحفظ سے متعلق پابندیوں کا اپنا فریم ورک اختیار کرنے کا فیصلہ کیا ہے۔ ہم ایسے ہی ذرائع سے اپنی مشترکہ اقدار کو فروغ دینے کے خواہاں دیگر عالمگیر شراکت داروں کے ساتھ مل کر یہ امر یقینی بنائیں گے کہ بدعنوان کرداروں اور انسانی حقوق کی پامالیوں کا ارتکاب کرنے والوں کو ہماری حدود میں کوئی پناہ نہ مل سکے۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520