اناج سے لدے بحری جہاز بریو کمانڈر کی یوکرین سے مشرقی افریقہ آمد

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ اناج سے لدے بحری جہاز بریو کمانڈر کی یوکرین سے مشرقی افریقہ آمد امریکی دفتر خارجہ ترجمان کا دفتر وزیر خارجہ اینٹنی جے بلنکن کا بیان 30 اگست، 2022 امریکہ جبوتی میں یوکرین کا 23,000 میٹرک ٹن اناج پہنچائے جانے کا خیرمقدم کرتا ہے جو بحری جہاز بریو کمانڈر کے ذریعے لایا گیا ہے۔ یہ اناج ایتھوپیا اور صومالیہ میں تقسیم کیا جائے گا۔ یہ دونوں ممالک چار سالہ خشک سالی کے نتیجے میں خطرناک درجے کے غذائی عدم تحفظ کا سامنا کر رہے ہیں۔ امریکہ امدادی اشیاء کو خطے بھر میں پہنچانے میں سہولت دینے کے لیے جبوتی کے اہم کردار پر اس کا مشکور ہے۔ یہ اناج امریکہ کی جانب سے ورلڈ فوڈ پروگرام (ڈبلیو ایف پی) کے لیے حال ہی میں فراہم کی جانے والی 68 ملین ڈالر سے زیادہ مالیت کی مدد کا حصہ ہے۔ یہ 24 فروری کو یوکرین پر روس کا بلاجواز کُھلا حملہ شروع ہونے کے بعد دنیا میں شدید غذائی عدم تحفظ کا سامنا کرنے والے ممالک کو بحیرہ اسود کے راستے برآمد کی جانے والی یوکرین کی زرعی پیداوار کی پہلی کھیپ ہے۔ امریکہ ڈبلیو ایف پی کو مدد مہیا کرنے والا دنیا کا سب سے بڑا ملک ہے جو اکتوبر 2021 سے اب تک اس ادارے کو 5.7 بلین سے زیادہ مالیت کے وسائل مہیا کر چکا ہے۔ فروری سے اب تک امریکہ نے دنیا بھر میں غذائی عدم تحفظ کا سامنا کرنے والے ممالک میں خوراک کے تحفظ کے لیے ہنگامی کارروائیوں میں اضافے کے لیے 5.4 بلین ڈالر سے زیادہ مالی وسائل فراہم کیے ہیں۔ عالمگیر غذائی تحفظ کے لیے یوکرین کی زرعی پیداوار خاص اہمیت رکھتی ہے۔ امریکہ بحیرہ اسود کے راستے یوکرین کی زرعی برآمدات دوبارہ شروع کرنے کے لیے یوکرین اور روس کے مابین ترکی اور اقوام متحدہ کی ثالثی میں ہونے والے معاہدے کی حمایت کرتا ہے اور ہم روس کی جانب سے اس معاہدے کی شرائط کی تعمیل کا بغور جائزہ لے رہے ہیں۔ ہم روس سے کہتے ہیں کہ وہ یوکرین میں جنگ کو فوری طور پر بند کرے جس سے دنیا بھر میں غذائی عدم تحفظ میں حالیہ شدت سے نمٹنے میں نمایاں مدد ملے گی۔ اصل عبارت پڑھنے کا لنک: https://www.state.gov/arrival-of-wheat-carrying-brave-commander-to-east-africa-from-ukraine/ یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520