باب لیونسن کے اغوا میں ملوث ایرانی انٹیلی جنس حکام کے خلاف پابندیاں

یہ ترجمہ امریکی دفترخارجہ کی جانب سے ازراہ نوازش پیش کیا جارہا ہے۔ برائے فوری اجرا باب لیونسن کے اغوا میں ملوث ایرانی انٹیلی جنس حکام کے خلاف پابندیاں امریکی دفتر خارجہ دفتر برائے ترجمان وزیر خارجہ مائیکل آر پومپیو کا بیان 14 دسمبر 2020   ایران کی حکومت نے 13 سال تک رابرٹ اے ''باب'' لیونسن کا اتا پتہ یا ان کی حالت کے بارے میں معلومات سے انکار کیا۔ تاہم اعلیٰ سطحی ایرانی حکام نے لیونسن کے اغوا اور انہیں قید میں رکھنے کی اجازت دی اور اپنی حکومت کے سر اس الزام سے توجہ ہٹانے کے لیے غلط اطلاعات پھیلانے کی مہم شروع کی۔ آج امریکہ ایران کی وزارت انٹیلی جنس اور سکیورٹی (ایم او آئی ایس) کے دو اعلیٰ سطحی حکام کو پابندیوں کے لیے نامزد کر رہا ہے جو 9 مارچ یا اس کے آس پاس لیونسن کو ایران کے جزیرہ کِش میں اغوا کیے جانے میں ملوث تھے۔ محمد بصیری اور احمد خازائی ایم او آئی ایس کے حکام ہونے کی حیثیت سے لیونسن کے اغوا، قید اور ممکنہ موت کے ذمہ دار تھے۔ انہیں ایران کی ایم او آئی ایس کے لیے یا اس کی جانب سے براہ راست یا بالواسطہ طور پر کام کرنے پر انتظامی حکم (ای او) 13553 کی مطابقت سے پابندیوں کے لیے نامزد کیا گیا ہے۔ قبل ازیں انتظامی حکم 13553 کی مطابقت سے ایم او آئی ایس کو 12 جون 2009 کو منعقدہ دھوکہ دہی پر مبنی انتخابات کے خلاف ایرانی عوام کے احتجاج کے خلاف انسانی حقوق کی سنگین پامالیوں میں ملوث ہونے پر پابندیوں کے لیے نامزد کیا گیا تھا۔ ایرانی حکومت سیاسی فائدے کے حصول کے لیے 41 سال سے غیرملکیوں اور دہری شہریت کے حامل افراد کو اغوا اور قید کرتی چلی آئی ہے۔ ہم ایران کا سفر کرنے والے امریکیوں اور دہری شہریت کے حامل افراد کو ایک مرتبہ پھر ان کی ذات کے تحفظ کو لاحق خطرات کی بابت کڑا انتباہ کرتے ہیں۔ لیونسن کا اغوا، قید اور ممکنہ موت انسانی زندگی کے حوالے سے ایرانی حکومت کی سنگدلانہ بے پروائی کی ایک اور سنگین مثال ہے۔ امریکہ اپنے عوام کے تحفظ اور سلامتی کو ہمیشہ ترجیح دے گا اور لیونسن کی گمشدگی میں ملوث افراد کا جارحانہ طور سے پیچھا کرنا جاری رکھے گا۔ ہم ایرانی حکومت سے کہتے ہیں کہ وہ ہمیں پوری تفصیل سے آگاہ کرے کہ لیونسن کے ساتھ کیا ہوا  اور ہم ایران میں ناجائز طور سے قید تمام امریکیوں کی وطن واپسی تک چین سے نہیں بیٹھیں گے۔ ہم امید کرتے ہیں کہ آج لیونسن کے اہلخانہ کو ان کے کچھ سوالوں کا جواب اور انصاف مل گیا ہے جس کے وہ حقدار ہیں۔ آج کے اقدام کی بابت مزید معلومات کے لیے براہ مہربانی محکمہ خزانہ کی پریس ریلیز دیکھیں۔

---

کسی بھی وقت منقطع کرنے کے لیےاپنے اکاؤنٹ کے ترجیحات والے صفحہ پر جائیں۔ لاگ ان کرنے کے لیے آپ کو اپنے ای میل کا اندارج کرنا ہوگا۔.

اگر آپ کو سلسلہ فراہمی معلومات کے بارے میں کچھ پوچھنا ہے یا اس حوالے سے مشکلات کا سامنا ہے تو مہربانی کر کے اس ای میل پر subscriberhelp.govdelivery.com رابطہ کریں۔

 

آپ کو یہ سہولت دفتر خارجہ کے بین الاقوامی میڈیا سے رابطہ کے شعبہ کی طرف سے بغیر کسی معاوضے کے فراہم کی گئی ہے۔

This email was sent to stevenmagallanes520.nims@blogger.com using GovDelivery Communications Cloud on behalf of: Department of State Office of International Media Engagement · 2201 C Street, NW · Washington, DC · 20520